Cerkak Basa Jawa
Still Loving You
Dening:
Sonia Jasmine
Amarga
pikiran lagi cupet, nganti aku ora ngerti jam. Sepur sing arep daktumpaki wis
mlaku rong jam mau. Sabanjure iku, Aku tuku tiket maneh jurusan Surabaya-yogja,
nanging nasibe sing ora beja, dina iku tiket jurusan Surabaya-Yogja enthek lan
ana 3 dina maneh. Amarga aku seneng numpak sepur ya aku mutusake mulih 3 dina
maneh
Ora
kanyana-nyana, daksipat-sipat mripatku mblalak nalika aku nggolek hotel sing
cedhak stasiun, wong wadon sing daktresnani lan dakawang-awang terus ana
pangangen-angenku saben dinane ngadeg pas ana ngarepku. Ora bisa ngomong
apa-apa mung tangis praupanku. Tangisku uga gawe sesengugukan dheweke. Tanpa
sewiji tutur, dheweke mlayu sipat kuping ninggal aku lan nalika mlayu dheweke
ora weruh ana motor liwat amarga wengi iku peteng banget tur udan deres
Brakk...
Motor
nabrak Nina nganti sirahe natap aspal. Aku langsung nulung Nina lan nggawa
menyang rumah sakit. Rah bek ana tanganku, gumeter tanganku nalika nggawa
menyang rumah sakit, amarga aku, Nina kaya ngene. Dokter sing nangani nglarang
aku mlebu UGD, mung bisa ndeleng saka kaca transparan cilik ana lawang, katon
Nina dipasangi selang. Yen ngerti kaya ngene kedadeyane, aku pengin ngganti
posisi iku ing ruang UGD. Aku ora pengin Nina ngrasa lara.
Wis
rong dina iki, Nina durung sadhar. Aku ora bisa apa-apa mung ndonga lan njaga
dheweke nganti waras. Sedina maneh aku ya arep bali menyang yogja nanging
amarga rasa asih lan tresnaku marang dheweke, aku ora sida mulih nganti 4 minggu
dheweke ora sadhar. Aku dadi pasrah, tangisku brebes mili nganti luh tumetes
ana cincin sing kaiket endah ana drijine dheweke.
Saka
kersane Gusti Kang Akarya Jagad, Nina sadhar wektu iku. Aku cepet-cepet mlayu
saka ruangan wedhi yen dheweke weruh.
“Mbak
Nina sampun sadhar nggih?”pitakon Dokter marang Nina karo sumringah
Nina
isih ngeling-eling kenapa dheweke ana rumah sakit sabanjure kuwi Nina
nyelak-nyeluk takon marang Dokter jeneng Mas Robi.
“Oh..Mas
Robi ingkang njagi Mbak Nina saben dinten wektu Mbak Nina koma nggih?” kandha
Dokter
Nina
sing lagi wae sadar, jenggirat ngadeg karo sempoyongan nggolek Mas Robi nanging
ora oleh karo Dokter amarga lagi wae sadhar nanging Nina meksa terus. Amarga
kuwi, Dokter nggawakake kursi rodha kanggo Nina nemoni Robi sing isih ana ruang
administrasi
“Apuranen
aku, Mas Robi” kandhane Nina karo nyekel tangane Robi
“Lo
Nin, Lagi wae sadhar kok mrene?” takon Robi karo nggantiake posisi Suster
ndorong kursi rodha menyang kamar rawate Nina
Sabanjure
nganti kamar, Nina nangis malah banter amarga Robi wis nyangklong tas arep bali
yogja
“Aja
nangis, Aku bubar iki bali yogja kok supaya awakmu seneng”tutur Robi karo
ngapus luhe Nina
“Sapa
sing seneng yen awakmu bali? Aku ora gelem awakmu bali! Tanggep Nina
Robi
ora nanggepi langsung metu, nanging lagi wae mlaku rong langkah saka dheweke, Piranti
apa wae sing ana meja dibuwaki karo dheweke. Aku dadi bingung kepriye karepe
dheweke
“Kenapa?
Aku wis ora ana sesambungan karo awakmu!” kandha Robi nesu karo sesenggukan
nangis
“Kenapa?
Amarga awakmu ora weruh Aku!”kandha Nina nangis
“Aku
weruh kabeh ngenani awakmu, nanging aku ora weruh dalan pikiranmu nganti awakmu
tega karo aku, mbok pungkasi ngono wae” kandha Robi mendhelengi Nina karo nesu
“Lara
kuwi sebabe” kandha Nina cekak aos karo ngadeg saka kursi rodhane
“Aku
ora nyangka awakmu pinter banget nggawe alesan” kandha Robi ninggal Nina
Brukk...
Aku
sing wis arep metu, mbalik weruh Nina semaput. Aku mlayu kandha Dokter. Kurang
saka 20 menit, Dokter metu lan kandha yen Nina semaput amarga lagi wae sadhar
uga ngidap tumor otak saengga dheweke gampat semaput
“Tumor
otak?” kandha Robi
“Inggih
Mas, Mbak Nina sampun kalih sasi mriki nggih badhe kontrol, napa mas Robi
mboten pirsa ta?” kandha Dokter
Tanpa
wales pitakone Dokter, Robi langsung mlebu nemoni Nina
“Kenapa
awakmu ora kandha aku?” kandha Robi karo nyekel tangane Nina lan nangis
“Aku
ora pengin awakmu weruh” kandha Nina nelangsa
“Awakmu
kudu ngerti yen aku seneng awakmu, dadi apa wae kahananmu dakterima” kandha
Robi
Kahanan
haru, tangis kebak ana ati karone, wiwit dina kasebut, Robi lan Nina nempuh
witing katresnan kapindho lan bagya masia rong taun sawise kuwi, Robi mung bisa
ndeleng Nina ana kuburan.
Post a Comment